Ligji për Mbrojtjen e Konkurrencës  Nr. 03/L-229 ka për qëllim të siguroj zhvillimin e qëndrueshëm të  ekonomisë së tregut të Kosovës duke ndaluar veprimet që kufizojnë, shtypin ose ç'rregullojnë konkurrencën. Me këtë ligj përcaktohen rregullat dhe masat për mbrojtjen e konkurrencës së lirë dhe efektive në treg, kompetencat, organizimi i Autoritetit për mbrojtjen e konkurrencës si dhe procedurat në zbatim të këtij ligji. Ky ligj zbatohet për të gjitha format e parandalimit, kufizimit ose keqpërdorimit të konkurrencës nga ndërmarrjet, në territorin e Republikës së Kosovës ose jashtë territorit të Kosovës, nëse këto veprime kanë efekte në Kosovë. Ligji për Mbrojtjen e Konkurrencës siguron një konkurrencë të lirë dhe efektive në treg duke u mbështetur në tre shtylla kryesore që përcaktojnë mbrojtjen e konkurrencës:

• Marrëveshjet e ndaluara në formën e karteleve;
• Abuzimin me pozitën dominuese dhe;
• Bashkimet ose përqendrimet e ndërmarrjeve,

Krijimi i konkurrencës së lirë dhe mbrojtja e saj janë një segment vital për ekzistimin e ekonomisë së tregut dhe se konkurrenca zënë vend të rëndësishëm në politikat ekonomike.