Kryetarja e Autoritetit të Konkurrences merr pjesë në takimin për Prokurimin Publik

Në kuadër të Javës së Integritetit, Kryetarja e Autoritetit të Konkurrencës, znj. Neime Binaku Isufi, mori pjesë në takimin e organizuar nga Komisioni Rregullativ i Prokurimit Publik (KRPP), në bashkëpunim me Agjencinë për Parandalimin e Korrupsionit (APK), me temë:
"Prokurimi Publik - Mundësi dhe Rrezik: Roli i Institucioneve Mbikëqyrëse, Parandaluese dhe Rregullatore."

Takimi mblodhi përfaqësues të institucioneve kyçe, përfshirë:

• Zyrën Kombëtare të Auditimit,
• Autoritetin Kosovar të Konkurrencës,
• OSHP,
• Policinë e Kosovës,
• Ekspertë nga SIGMA,
• OJQ Demokraci Plus,
• Institucione të tjera dhe donatorë ndërkombëtarë.

Diskutimet u fokusuan në:

• Identifikimin e mundësive dhe rreziqeve në prokurimin publik,
• Rolin e institucioneve në forcimin e transparencës dhe integritetit,
• Strategjitë për parandalimin e korrupsionit dhe përdorimin efikas të fondeve publike.

Ky takim shërbeu si një platformë e rëndësishme për të forcuar bashkëpunimin institucional dhe për të avancuar përpjekjet drejt një sistemi më transparent dhe efikas të prokurimit publik.

• Share